"Атлетико" ярим ҳимоячиси Маркос Льренте Ла Лиганинг 23-турида "Реал"га қарши бўлиб ўтадиган ўйиндан олдинги фикрлари билан ўртоқлашди.
"Атлетико" ҳар доим барча совринлар учун курашади, аммо "Реал" устидан қозонилган ғалаба мавсумни сақлаб қола олмайди деб ўйлайман. Албатта, бу муҳим ўйин, ғалаба бизга Чемпионлар Лигаси зонасида қолиш имконини беради", - деди Льоренте DAZN билан суҳбатда.
Жорий мавсумда 28 ёшли ярим ҳимоячи барча турнирларни инобатга олган ҳолда 22та ўйинда қатнашиб, 3та гол урди ва битта голли узатмани амалга оширди.
"Атлетико" ва "Реал" учрашуви эртага, 25 феврал куни бўлиб ўтади. Ўйин бошланиши Тошкент вақти билан 22:30 га белгиланган. Льренте жароҳати сабаб жангни ўтказиб юбориши аввалроқ хабар қилинганди.
