«Ливерпуль» бош мураббийи Юрген Клопп ёзда жамоани қайта қуриш режалаштирилаётганини айтди.
«Ёзда нимадир қилишимиз керак, бу тушунарли. Янги шартнома имзолашимнинг сабабларидан бири бу янги жамоа яратишдир.
Ўтган йили бизда жиддий ўзгаришлар бўлмади. Энди биз режалар тузишдан олдин клубни ким тарк этишини аниқлашимиз керак», деди Клопп жума куни бўлиб ўтган матбуот анжуманида журналистларга.
Эслатиб ўтамиз, «Ливерпуль» ҳозирда АПЛ турнир жадвалида атиги саккизинчи ўринни эгаллаб турибди. Юрген Клопп шогирдлари ўтган ҳафта Чемпионлар лигасида «Реал»га 2:5 ҳисобида мағлуб бўлишди.
