«Арсенал» ҳимоячиси Уильям Салиба Лондондаги мақсадлари ҳақида гапирди.
«Мен бу ерда мумкин бўлган ҳамма нарсани ютишни хоҳлайман. «Арсенал»ни яна юқорига олиб чиқмоқчиман, чемпионликни қўлга киритмоқчиман.
Мухлислар мен ҳақимда гапира бошлагандан хурсанд бўламан. Учрашувлар пайтида табассум қилардим, лекин диққатимни жамлашим керак», — деди Салиба ижтимоий тармоқларда.
«Арсенал» айни дамда АПЛ турнир жадвалида пешқадамлик қилмоқда. Микель Артета жамоаси навбатдаги ўйинни 25 февраль, шанба куни меҳмонда «Лестер»га қарши ўтказади.
