Мадриднинг “Реал” клуби ярим ҳимоячиси Тони Кроос ярим ҳимоячи Лука Модрич билан муносабатлари ҳақида фикр билдирди.
“Одамлар менга ва Модричга шубҳа қилишлари мени умуман ташвишга солмайди”, деди Кроос Movistar нашрига берган интервьюсида.
- Биз ҳеч қандай муаммосиз бирга ўйнашимиз мумкинлигини минг марта исботладик. Бу мавсумда ҳам яхши ўйинларни эслайман - масалан, "Бернабеу"да "Барселона"га қарши ўйинлар, - деди 33 ёшли ярим ҳимоячи.
Тони Крооснинг “Реал” билан шартномаси шу ёзда тугайди, Лука Модричда ҳам худди шундай. Клуб ҳар икки футболчи билан ҳамкорликни давом эттириш ниятида.
