Лондоннинг “Челси” клубининг испаниялик ҳимоячиси Марк Кукурелья жамоаси учун омадсиз келаётган мавсум ҳақида гапириб, “аристократлар” ҳозирги вазиятни ижобий томонга ўзгартиришга умид қилишини таъкидлади.
"Мавсум биз учун анча оғир бўляпти, чунки жамоада жуда кўп ўзгаришлар бўлди, кўплаб янги футболчилар пайдо бўлди. Менимча, бу мавсумда янги даврни бошлаш вақти келгандир. Чунки Чемпионлар лигасида ўйнаш жуда муҳим. Мавсумнинг биринчи қисми биз учун унчалик яхши ўтмади, аммо ҳозир бизда ҳеч қандай баҳона йўқ. Биз қаттиқ машқ қилишимиз, бор эътиборимизни ғалаба қозонишимиз ва лигада кучли тўртликка киришимиз керак", - дея Кукурелья сўзларидан иқтибос келтиради Goal.
"Челси" 23 ўйиндан сўнг 31 очко билан АПЛ турнир жадвалида 10-ўринда бормоқда.
