Londonning “Chelsi” klubining ispaniyalik himoyachisi Mark Kukurelya jamoasi uchun omadsiz kelayotgan mavsum haqida gapirib, “aristokratlar” hozirgi vaziyatni ijobiy tomonga o‘zgartirishga umid qilishini ta’kidladi.

"Mavsum biz uchun ancha og‘ir bo‘lyapti, chunki jamoada juda ko‘p o‘zgarishlar bo‘ldi, ko‘plab yangi futbolchilar paydo bo‘ldi. Menimcha, bu mavsumda yangi davrni boshlash vaqti kelgandir. Chunki Chempionlar ligasida o‘ynash juda muhim. Mavsumning birinchi qismi biz uchun unchalik yaxshi o‘tmadi, ammo hozir bizda hech qanday bahona yo‘q. Biz qattiq mashq qilishimiz, bor e’tiborimizni g‘alaba qozonishimiz va ligada kuchli to‘rtlikka kirishimiz kerak", - deya Kukurelya so‘zlaridan iqtibos keltiradi Goal.

"Chelsi" 23 o‘yindan so‘ng 31 ochko bilan APL turnir jadvalida 10-o‘rinda bormoqda.