Франциянинг "Страсбург" клуби раҳбарияти вакилларидан бири RMC Sport нашри билан суҳбатда "Челси" хўжайини Тодд Боэли билан клуб акцияларини сотиш бўйича музокаралар олиб борилганини тасдиқлади.
Куни кеча америкалик тадбиркор ва унинг консорциуми Лига 1 жамоасини тўлиқ сотиб олишдан манфаатдор экани маълум бўлди.
Шунингдек, "Челси" футболчилари "Страсбург"га ижарага берилиши режалаштирилган. Бундан ташқари, Боэли молиявий ҳамкорлари Германия бозоридаги вариантларни кўриб чиқмоқда.
Манбанинг қайд этишича, Франция клуби президенти Марк Келлер бу қарорни қабул қилишга шошилмаяпти ва у янги инвесторлар изламоқда.
Келлер 2012 йилдан бери "Страсбург"га эгалик қилади. Клуб 2011 йилда иқтисодий қийинчиликлар туфайли бешинчи дивизионга тушиб кетган, аммо 2016 йилда Лига 1га қайтган.
