"Реал" ҳужумчиси Альваро Родригеснинг отаси ўғлининг дебют голидан сўнг ўз фикрларини билдириб ўтди.
18 ёшли уругвайлик футболчи “Атлетико”га қарши Мадрид дербисида (1:1) “қаймоқранглилар”га 85-дақиқада захирадан майдонга тушганидан сўнг гол уриб, дуранг қайд этишга ёрдам берди.
“Альваро гол урганида мен йиғлай бошладим. Ҳозир унинг орзуси амалга ошмоқда - у доимо шунга интилган. Болалигида у ҳар сафар "Реал" "Барселона"га ютқазганида йиғлаганини эслайман", - деди ҳужумчининг отаси Tiempo de Juego нашрига берган интервьюсида.
Альваро Родригес "қаймоқранглилар" таркибида атиги учта ўйин ўтказиб, гол ва голли узатмани амалга оширди. Карло Анчелоттининг фикрича, кейинги мавсумда футболчи асосий жамоага ўтади.