"Real" hujumchisi Alvaro Rodrigesning otasi o‘g‘lining debyut golidan so‘ng o‘z fikrlarini bildirib o‘tdi.
18 yoshli urugvaylik futbolchi “Atletiko”ga qarshi Madrid derbisida (1:1) “qaymoqranglilar”ga 85-daqiqada zaxiradan maydonga tushganidan so‘ng gol urib, durang qayd etishga yordam berdi.
“Alvaro gol urganida men yig‘lay boshladim. Hozir uning orzusi amalga oshmoqda - u doimo shunga intilgan. Bolaligida u har safar "Real" "Barselona"ga yutqazganida yig‘laganini eslayman", - dedi hujumchining otasi Tiempo de Juego nashriga bergan intervyusida.
Alvaro Rodriges "qaymoqranglilar" tarkibida atigi uchta o‘yin o‘tkazib, gol va golli uzatmani amalga oshirdi. Karlo Anchelottining fikricha, keyingi mavsumda futbolchi asosiy jamoaga o‘tadi.