"Манчестер Юнайтед" марказий ҳимоячиси Рафаэль Варан Лига кубоги финали олдидан журналистлар билан суҳбатлашди.
Якшанба куни "қизил иблислар" Эрик тен Хаг қўл остида биринчи совринни қўлга киритиши мумкин - бунинг учун "Уэмбли"да "Ньюкасл"ни мағлуб этиш керак бўлади.
“Биринчи кубок ҳар доим алоҳида аҳамиятга эга. Ҳозир бу бизнинг асосий мақсадимиз, аммо узоқ муддатда биз доимо юқорида бўлишни ва ҳар йили Чемпионлар лигасида ўйнашни истаймиз.
Мен босим сезмаганимда ёмонроқ ўйнайман, шунинг учун менга бироз кескинлик керак. Мен ёш футболчиларга ўрнак бўлишга ҳаракат қиламан - улар учун тажрибали ўртоқлар кескин вазиятларда қандай хотиржамлик кўрсатишини кўриш фойдалидир", - дея Вараннинг сўзларини келтиради клуб матбуот хизмати.
