"Manchester Yunayted" markaziy himoyachisi Rafael Varan Liga kubogi finali oldidan jurnalistlar bilan suhbatlashdi.

Yakshanba kuni "qizil iblislar" Erik ten Xag qo‘l ostida birinchi sovrinni qo‘lga kiritishi mumkin - buning uchun "Uembli"da "Nyukasl"ni mag‘lub etish kerak bo‘ladi.

“Birinchi kubok har doim alohida ahamiyatga ega. Hozir bu bizning asosiy maqsadimiz, ammo uzoq muddatda biz doimo yuqorida bo‘lishni va har yili Chempionlar ligasida o‘ynashni istaymiz.

Men bosim sezmaganimda yomonroq o‘ynayman, shuning uchun menga biroz keskinlik kerak. Men yosh futbolchilarga o‘rnak bo‘lishga harakat qilaman - ular uchun tajribali o‘rtoqlar keskin vaziyatlarda qanday xotirjamlik ko‘rsatishini ko‘rish foydalidir", - deya Varanning so‘zlarini keltiradi klub matbuot xizmati.