Маҳмуд Муродов 11 март куни октагонга кўтарилиши лозим эди.
11 март куни Лас-Вегас шаҳрида (АҚШ) навбатдаги UFC Fight Night мусобақаси ўтказилади.
Ушбу мусобақа доирасида ўрта вазнда ўзбекистонлик UFC жангчиси Маҳмуд Муродов (25-8) асли доғистонлик, ҳозирда Германия номидан жанг қилаётган Абусупьян Магомедовга қарши октагонга кўтарилиши лозим эди. Бироқ, жанг бекор қилинган. Бунга сабаб, Маҳмуд Муродов жангга оз муддат қолганида, қўлидан жароҳат олган ва яқин вақт ичида операцияни бошидан кечиради. Бу ҳақда россиялик ММА журналисти Игорь Лазорин маълум қилган.
Маҳмуд Муродовнинг ўзи бунга муносабат билдирганича йўқ.
