Криштиану Роналду билан шов-шувли интервью қилгани туфайли машҳур бўлган журналист Пирс Морган «Манчестер Юнайтед»нинг Лига кубогидаги ғалабасига муносабат билдирди.
Финал учрашувида «қизил иблислар» «Ньюкасл»ни 2:0 ҳисобида мағлуб этишди.
«Манчестер Юнайтед» мухлислари ўзларини Роналдудан кўра кўпроқ Вегхорстсни ёқтираётгандек кўрсатишади. Бу жуда кулгили. Бу даҳшатли.
«Юнайтед» ўйинчилари ва мураббийлари Лига кубогидаги ғалабасидан жуда хурсанд бўлишди. Бу учинчи тоифали турнир, уни ҳеч ким кузатмайди», - дейди Морган.
Эслатиб ўтамиз, Криштиану ўтган йилнинг ноябрь ойида «Манчестер Юнайтед»ни тарк этиб, «Ан-Наср»га ўтганди.
