"ПСЖ" бош мураббийи Кристоф Галтье жамоа етакчиларидан бири – франциялик ҳужумчи Килиан Мбаппе ҳақида ўз фикрлари билан ўртоқлашди.
"Килиан клуб учун 200-голини уриб, рекорд ўрнатди. Ҳа, биз Эдинсон Каванини эслаймиз, аммо Килиан унинг ютуғини ортда қолдирди. Ишончим комилки, у дунёнинг энг яхши ҳужумчисига айланади. Мбаппе жуда тез югуради, у умуман ҳамма нарсани тез қилади ва муҳим ўйинлар натижасини қандай ҳал қилишни билади", - деди Гальте Lequipe билан суҳбатда.
Кеча Франция чемпионатининг 25-туридан ўрин олган ўйинда “ПСЖ” “Марсель” устидан 3:0 ҳисобида ғалаба қозонди. Ушбу учрашувда Мбаппе иккита гол урди.
