“ПСЖ” ва Аргентина терма жамоаси ҳужумчиси Лионель Месси ФИФА талқини бўйича 2022 йилнинг энг яхши футболчиси деб топилди.
Ушбу мукофотга даъвогарлар рўйхатида Килиан Мбаппе (ПСЖ, Франция) ва Карим Бензема (Реал Мадрид, Франция) ҳам бор эди.
35 ёшли Месси Аргентина терма жамоасига 2022 йили Қатарда бўлиб ўтган футбол бўйича жаҳон чемпионатида олтин медалларни қўлга киритишда ёрдам берди. Жаҳон чемпионатидаги етти учрашувда ҳужумчи еттита гол урди ва учта голли узатмани амалга оширди.
28 февралга ўтар кечаси Парижда (Франция) ФИФА томонидан The Best тақдирлаш маросими бўлиб ўтди.
