"Манчестер Юнайтед" ярим ҳимоячиси Каземиро муваффақият сири билан ўртоқлашди.
Бразилиялик футболчи яқинда "қизил иблислар" билан Лига кубогини қўлга киритиб, ўзининг янги жамоасидаги илк совринини қўлга киритди. “Ньюкасл”га қарши кечган финал баҳсида (2:0) ярим ҳимоячи гол урди.
“Мени таниганларнинг ҳаммаси яхши биладиларки, мен учун тўп овқатга ўхшайди, шунинг учун ҳам унинг ортидан қаттиқ югураман. Бу ҳар қандай ўйинга, хоҳ у финал бўлсин, хоҳ оддий ўйинга тааллуқлидир – мен ҳар бир тўпнинг ортидан гўё бутун ҳаётим шу танловга боғлиқдек бораман”, — деди 31 ёшли футболчи ОАВга берган интервьюсида.
Каземиро ўтган ёзда "Реал"дан 70 миллион евродан кўпроқ эвазига "Манчестер Юнайтед" сафига қўшилган эди.
