Англиянинг “Кроуленд Таун” ҳаваскор клубининг 23 ёшли футболчиси Майкл Палмер “Леверингтон” жамоасига қарши ўйин вақтида вафот этди. У ҳушини йўқотиб, майдонга қулаган ва шундан сўнг ўзига келолмаган.
"Кўпчилигингиз билганингиздек, клубимиз футболчилардан бирини фожиали тарзда йўқотди. Майкл Палмер "Леверингтон" билан ўйинда йиқилиб тушди ва ўзига келмади. У меҳрибон, ғамхўр инсон ва "Манчестер Юнайтед"нинг иштиёқли мухлиси эди. "Леверингтон" футболчилари ва ходимларига ёрдамлари учун катта раҳмат. Бизнинг ибодатларимиз Майклнинг оиласи ва дўстлари биландир" - дейилади клуб расмий баёнотида.
"Кроуленд Таун" Петерборо футбол лигасида ўйнайди, бу Англиядаги ҳаваскорлар рақобатлашадиган чемпионатларидан биридир.
