"Атлетико" вингери Янник Карраско "Барселона"нинг трансфер бозоридаги асосий мақсади бўлиб турибди. Бельгиялик футболчининг ўтиши билан "кўк-анорранглилар" бош мураббийи Хави Эрнандеснинг шахсан ўзи қизиқмоқда.
El Nacional нашри хабарига кўра, келишув Ансу Фати ва Ферран Торрес жамоани тарк этиши билан боғлиқ бўлади. Олдинроқ "Барселона" ёзда ушбу футболчилар билан хайрлашишга тайёрлиги ҳақида хабар берилганди.
Испания чемпионатининг жорий мавсумида 29 ёшли ҳужумчи 21 ўйин ўтказиб, битта гол урган. Каррасконинг "матрасчилар" билан шартномаси 2024 йилнинг ўрталарига қадар тузилган ва унинг нархи 30 миллион еврога тенг.
