Лондоннинг "Челси" клуби мураббийлари штаби жамоанинг асосий марказий ҳимоячиси Тиаго Силва Дортмунднинг "Боруссия" жамоасига қарши Чемпионлар лигасининг 1/8 финали жавоб ўйинида майдонга тушмаслигидан жиддий хавотирда.
Эслатиб ўтамиз, якшанба куни бўлиб ўтган "Тоттенхэм"га қарши дербида Силва тиззасидан жароҳат олиб, учрашув бошида алмаштирилганди.
The Times нашри хабарига кўра, тиббиёт хулосаси натижаларига кўра, бразилиялик футболчи камида бир ҳафта ўтказиб юборишга мажбур бўлади.
"Челси" Дортмундда "Боруссия"га қарши ўтказилган дастлабки ўйинда 0:1 ҳисобида имкониятни бой берганди. Жавоб ўйини 8 март куни Тошкент вақти билан 01:00 да "Стэмфорд Бриж"да бўлиб ўтиши режалаштирилган.
