Франциялик ярим ҳимоячи НГоло Канте Лондоннинг "Челси" клуби раҳбарияти билан ҳамкорликни узайтириш борасида муваффақиятли музокаралар олиб борди. Footmercato журналистларига маълум бўлишича, томонлар тез орада 2026 йилгача мўлжалланган шартнома имзолайди. Шартнома бир мавсумга узайтирилиши мумкин бўлган бандни ўз ичига олади.

Эслатиб ўтамиз, Кантенинг "аристократлар" билан амалдаги шартномаси 2022/2023 йилги мавсум охирида якунига етади. Аввалроқ, матбуотда ярим ҳимоячининг Каталониянинг "Барселона" клубига ўтиши мумкинлиги ҳақида хабарлар тарқалган эди.

31 ёшли франциялик футболчи Англия Премьер-лигасида жорий мавсумда бор-йўғи 2 та ўйинда майдонга тушди. У жароҳати туфайли узоқ вақт касалхонада ётди.