Fransiyalik yarim himoyachi NGolo Kante Londonning "Chelsi" klubi rahbariyati bilan hamkorlikni uzaytirish borasida muvaffaqiyatli muzokaralar olib bordi. Footmercato jurnalistlariga ma’lum bo‘lishicha, tomonlar tez orada 2026 yilgacha mo‘ljallangan shartnoma imzolaydi. Shartnoma bir mavsumga uzaytirilishi mumkin bo‘lgan bandni o‘z ichiga oladi.

Eslatib o‘tamiz, Kantening "aristokratlar" bilan amaldagi shartnomasi 2022/2023 yilgi mavsum oxirida yakuniga yetadi. Avvalroq, matbuotda yarim himoyachining Kataloniyaning "Barselona" klubiga o‘tishi mumkinligi haqida xabarlar tarqalgan edi.

31 yoshli fransiyalik futbolchi Angliya Premyer-ligasida joriy mavsumda bor-yo‘g‘i 2 ta o‘yinda maydonga tushdi. U jarohati tufayli uzoq vaqt kasalxonada yotdi.