Аргентина терма жамоаси бош мураббийи Лионель Скалони Мюнхеннинг "Бавария" жамоаси бошқарувчиси Юлиан Нагельсманн ҳақида гапирди.
“У ажойиб мураббий. Биз унинг ишини катта қизиқиш билан кузатиб борамиз. Биз унинг машғулотларига тез-тез эътиьор қаратамиз, у қандай ишлаши бизга жуда ёқади. Мен у билан шахсан учрашмоқчиман”, деди Скалони Sky Germany нашрига.
Эслатиб ўтамиз, душанба куни Лионель Скалони ФИФА талқини бўйича 2022 йилнинг энг яхши мураббийи совринини қабул қилиб олди. Декабрь ойида Скалони Аргентина терма жамоасини жаҳон чемпионлигига етаклади. Финал ўйинида “Албиселесте” 3:3 ҳисобида дуранг ўйнаган Францияни пенальтилар сериясида мағлуб этди.
