Мадриднинг "Реал" клуби The Best маросими натижаларидан норози бўлди. Бу ҳақда AS нашри хабар бермоқда.
Манбанинг маълум қилишича, "қироллик клуби" вакиллари ўтган мавсумда "қаймоқранглилар" Чемпионлар Лигаси, Ла Лига ва Европа Суперкубогида ғолибликни қўлга киритган бўлса-да, номинациялар бўйича ғолибларни аниқлашда ўз жамоаси футболчилари эътиборга олинмаганидан қониқмаган.
Эслатиб ўтамиз, йилнинг энг яхши футболчиси деб Франциянинг "ПСЖ" клуби вакили Лионель Месси танлаган эди. Энг яхши дарвозабон мукофоти унинг ҳамюрти Эмилиано Мартинесга, энг яхши мураббий соврини эса Лионел Скалонига топширилди.
