Италия А сериясининг сешанба куни бўлиб ўтган ўйинида "Кремонезе" сенсацион тарзда "Рома"ни 2:1 ҳисобида мағлуб этди. Римликлар устози Жозе Моуриньо тўртинчи ҳакам Марко Серра билан жанжаллашиб, қизил карточка олди. Ўйиндан сўнг португалиялик мураббий ҳакам у билан номақбул тарзда гаплашганини айтди.
Марко Серра бошқа нарсалар қаторида Моуриньога "уйингга бор" деб айтган. Шунингдек, тўртинчи ҳакам Жозени унинг олдига саволлар билан бормасликка, балки “лаънати ишинг билан шуғулланишга” ундагани маълум қилинган.
Италия футбол федерацияси Жозе Моуриньо билан юзага келган ушбу воқеани тартибга солишга киришди, дея хабар бермоқда La Gazzetta dello Sport.
