"Ливерпуль" бош мураббийи Юрген Клопп ўз лавозимидан кетиши мумкинлиги ҳақидаги миш-мишларга жавоб берди.
Немис мутахассисининг кетиши ҳақидаги маълумотлар "мерсисайдликларнинг" жорий мавсумдаги муваффақиятсиз натижалари туфайли матбуотда пайдо бўлди.
"Истеъфо? Биз келажагимизни биргаликда кўрамиз. Бу вазиятдан қандай чиқишни ҳал қиляпмиз. Биз клуб сифатида ўзгача эмасмиз. "Ливерпуль" билан келажагим умумий", - деди Клопп.
Эслатиб ўтамиз, ўтган ҳафтада "Ливерпуль" ўз майдонида Чемпионлар лигаси 1/8 финалининг биринчи ўйинида "Реал"дан йирик ҳисобда мағлуб бўлганди (2:5). Жамоа АПЛда еттинчи ўринни эгаллаб турибди.
Клоппнинг "қизиллар" билан шартномаси 2026 йилнинг ёзига қадар мўлжалланган.
