"Рома" бош мураббийи Жозе Моуриньо "Кремонезе"га қарши ўйинда қизил карточка олганидан кейин жазоланди. Португалиялик мутахассис А Серияда иккита ўйинга дисквалификация қилинди ва 10 000 евро жаримага тортилди.
Матбуот хабарида айтилишича, Моуриньо ҳакамлар билан баҳслашгани, ҳакамларни ҳақорат қилгани ва ҳакамлар хонасига бостириб киргани учун жазоланди.
Жозе Моуриньо ўйиндан кейин тўртинчи ҳакам Марко Серрани у билан номақбул тарзда мулоқот қилганликда айблади.
Шу тариқа, Жозе Моуриньо "Ювентус" ва "Сассуоло"га қарши ўйинларда техник хонда бўла олмайди.
Эслатиб ўтамиз, "Рома" сафарда "Кремонеза"га 1:2 ҳисобида мағлуб бўлганди.