"Барселона" ҳужумчиси Ансу Фати жамоанинг умумий машғулотларига қайтди. Бу ҳақда жамоа бош мураббийи Хави Эрнандес журналистлар билан суҳбатда айтиб ўтди.
"Ансуда ҳаммаси жойида. Унинг жароҳати бор эди, лекин ҳозир ҳаммаси жойида. У жамоадошлари билан умумий гуруҳда шуғулланди. Ансу майдонга тушишга тайёр", - деди Хави Football-Espana билан суҳбатда.
"Барселона" Испания кубоги ярим финалида "Реал"га қарши майдонга тушади. Учрашув "Сантьяго Бернабеу" стадионида бўлиб ўтади ва 3 март куни Тошкент вақти билан соат 01:00да бошланади.
20 ёшли ҳужумчи жорий мавсумда Ла Лигада 21 та ўйинда майдонга тушиб, 3 та гол ва 3 та голли узатмага муаллифлик қилган.
