"Севилья"да ўйнай олмаган "Реал"нинг собиқ ярим ҳимоячиси Иско фаолиятини Испаниянинг бошқа клубида давом эттириши мумкин. Бу ҳақда Todofichajes нашри хабар бермоқда.
Манбанинг хабарига кўра, футболчини "Бетис" ўз сафига қўшиб олмоқчи. "Бетис" клуби Искони жароҳат олган франциялик Набил Фекирга ўринбосар сифатида кўрмоқда. Жароҳати туфайли футболчи жорий мавсум охиригача сафдан чиқди.
Иско декабрь ойидан бери эркин агент бўлиб турибди. Ярим ҳимоячи жорий мавсумда 12 та ўйинда майдонга тушиб, 2 та голли узатмани амалга оширди.
