"Интер" ҳимоячиси Милан Шкриньяр клуб билан шартномаси шу ёзда якунланадиган А Сериянинг энг қиммат футболчисига айланди. Рейтингни Transfermarkt портали тақдим этди.

Шу тариқа, 28 ёшли словакияликнинг нархи 60 миллион еврога баҳоланмоқда. Аввалроқ Шкриньяр бутун дунё футболидаги ёзнинг энг қиммат эркин агенти эканлиги хабар берилганди.

Италия клубларининг бошқа футболчиларига қайтсак. Иккинчи ўринда 25 миллион еврога баҳоланган “Ювентус”нинг 27 ёшли марказий ярим ҳимоячиси Адриен Рабьо. Учинчи ўринда “Рома” ҳужумчиси Андреа Белотти – 29 ёшли футболчининг нархи 15 миллион еврога баҳоланмоқда.

Кучли бешликка “Интер”дан Стефан де Врей 15 миллион евро ва “Ювентус”нинг аргентиналик фахрийси Анхель ди Мария – 35 ёшли вингер, 10 миллион еврога кирган.