Грузиялик ҳужумчи Хвича Кварацхелия Италия футболида йилнинг сенсациясига айланди, «Наполи» А Серияда ғалаба қозонишга яқин.
Клуб раҳбарияти эса энг муҳим футболчиларни қандай қилиб сақлаб қолиш ҳақида ўйламоқда. Улар орасида, албатта, 22 ёшли Кварацхелия ҳам бор.
Италиянинг La Gazzetta Dello Sport нашри хабарига кўра, «Наполи» раҳбарлари грузиялик ҳужумчига 2028 йилгача бўлган муддатдаги шартномани таклиф қилмоқчи.
Эслатиб ўтамиз, «Челси» ва «Ньюкасл» каби инглиз клублари Кварацхелия хизматларига фаол тарзда қизиқиш билдирмоқда. Грузиялик ҳужумчи ўтган ёзда Италияга кўчиб ўтганди.
