Gruziyalik hujumchi Xvicha Kvarasxeliya Italiya futbolida yilning sensasiyasiga aylandi, «Napoli» A Seriyada g‘alaba qozonishga yaqin.
Klub rahbariyati esa eng muhim futbolchilarni qanday qilib saqlab qolish haqida o‘ylamoqda. Ular orasida, albatta, 22 yoshli Kvarasxeliya ham bor.
Italiyaning La Gazzetta Dello Sport nashri xabariga ko‘ra, «Napoli» rahbarlari gruziyalik hujumchiga 2028 yilgacha bo‘lgan muddatdagi shartnomani taklif qilmoqchi.
Eslatib o‘tamiz, «Chelsi» va «Nyukasl» kabi ingliz klublari Kvarasxeliya xizmatlariga faol tarzda qiziqish bildirmoqda. Gruziyalik hujumchi o‘tgan yozda Italiyaga ko‘chib o‘tgandi.
