Агар жамоа Чемпионлар лигасига чиқа олмаса, Жозе Моуриньо "Рома"ни тарк этиши мумкин.
"Рома" айни дамда А Серияда 5-ўринда, тўртинчи ўриндаги "Лацио"дан бир очко ортда қолмоқда.
La Gazzetta dello Sport нашри хабарига кўра, агар жамоа кучли тўртликдан ўрин эгалламаса ва келаси мавсумда Чемпионлар лигасида иштирок этмаса, Моуриньо ёзда "Рома"ни тарк этиши мумкин.
Португалиялик мураббийнинг "Рома" билан амалдаги шартномаси муддати 2024 йилнинг ёзига қадар мўлжалланган.
5 март куни "Рома" ўз майдонида "Ювентус" билан А Сериянинг 25-тур учрашувида майдонга тушади.
