"Барселона" ярим ҳимоячиси Франк Кессье келаси мавсумда Премьер-лигада иштирок этиши мумкин. Испаниянинг Sport нашри хабарига кўра, ивуарлик футболчига "Тоттенхэм" қизиқиш билдирмоқда.
"Шпорлар" ярим ҳимоячини ёзда сотиб олишга жиддий киришмоқчи. Кессье мавсумнинг биринчи ярмида "Барселона"даги ҳолатидан норози эди, аммо энди Франк кўпроқ ўйин амалиётига эга бўла бошлади.
"Тоттенхэм"нинг амалдаги бош мураббийи Антонио Конте Кессьени авваллари ҳам бир неча бор ўз жамоаларига таклиф қилган. Бироқ муаммо шундаки, италиялик мутахассис мавсум охирида ўз лавозимини тарк этиши мумкин.
