"Barselona" yarim himoyachisi Frank Kessye kelasi mavsumda Premyer-ligada ishtirok etishi mumkin. Ispaniyaning Sport nashri xabariga ko‘ra, ivuarlik futbolchiga "Tottenxem" qiziqish bildirmoqda.
"Shporlar" yarim himoyachini yozda sotib olishga jiddiy kirishmoqchi. Kessye mavsumning birinchi yarmida "Barselona"dagi holatidan norozi edi, ammo endi Frank ko‘proq o‘yin amaliyotiga ega bo‘la boshladi.
"Tottenxem"ning amaldagi bosh murabbiyi Antonio Konte Kessyeni avvallari ham bir necha bor o‘z jamoalariga taklif qilgan. Biroq muammo shundaki, italiyalik mutaxassis mavsum oxirida o‘z lavozimini tark etishi mumkin.
