"Манчестер Сити" бош мураббийи Хосеп Гвардиола таркибни кучайтириш йўлини топди.
Footmercato нашрининг ёзишича, испаниялик мутахассис Хорватия терма жамоаси ва "Лейпциг" ҳимоячиси Йошко Гвардиол билан шартнома имзоламоқчи.
21 ёшли хорватиялик футболчи "шаҳарликлар"нинг асосий таркибидаги ўрнини йўқотган Аймерик Лапортнинг ўрнини эгаллаши мумкин. У жамоани ўзгартирмоқчи, клуб бошлиқлари эса испаниялик футболчини ўзида сақлаб қолишмоқчи эмас. Гвардиоланинг фикрича, Гвардиол Эмерикни муносиб тарзда алмаштира олади.
Йошко 2021 йилнинг ёзидан буён “Лейптциг” жамоасида ўйнамоқда. Унинг "буқалар" билан шартномаси 2027 йилнинг ўрталарига қадар тузилган ва трансфер нархи 75 миллион еврога баҳоланмоқда.
