Ҳимоячи Крис Смоллинг “Рома”нинг янги шартнома таклифини рад этди. “Бўрилар” 33 ёшли футболчига яна икки мавсумга 2,5 миллион евро маош билан меҳнат шартномаси таклиф қилишди. Смоллинг кўпроқ даромад олишни хоҳлайди. Бу ҳақда Tuttomercatoweb ўз саҳифаларида хабар берди.

Эҳтимол, Крис Смоллинг ёзда клубини ўзгартириши мумкин. Футболчига А Сериянинг яна бир топ-клуби "Ювентус" қизиқиш билдирмоқда. Олдинроқ Смоллингга ватани Англиядан таклифлар борлиги хабар қилинганди.

2022/2023 йилги мавсумда Крис Смоллинг 32 та ўйин ўтказиб, 3 та гол урган. "Рома" айни дамда А Серия турнир жадвалида 5-ўринни эгаллаб турибди.