Himoyachi Kris Smolling “Roma”ning yangi shartnoma taklifini rad etdi. “Bo‘rilar” 33 yoshli futbolchiga yana ikki mavsumga 2,5 million yevro maosh bilan mehnat shartnomasi taklif qilishdi. Smolling ko‘proq daromad olishni xohlaydi. Bu haqda Tuttomercatoweb o‘z sahifalarida xabar berdi.

Ehtimol, Kris Smolling yozda klubini o‘zgartirishi mumkin. Futbolchiga A Seriyaning yana bir top-klubi "Yuventus" qiziqish bildirmoqda. Oldinroq Smollingga vatani Angliyadan takliflar borligi xabar qilingandi.

2022/2023 yilgi mavsumda Kris Smolling 32 ta o‘yin o‘tkazib, 3 ta gol urgan. "Roma" ayni damda A Seriya turnir jadvalida 5-o‘rinni egallab turibdi.