"Манчестер Сити" бош мураббийи Хосеп Гвардиола келажакда клубда ишлайдиган мураббий номини маълум қилди.
“Бир кун келиб Венсан Компани “Манчестер Сити”ни бошқаради. Менимча, буни юлдузлар тақдирлаган ва шундай бўлади. Эртами-кечми Компани "Манчестер Сити" бош мураббийига айланади. Қачонлигини аниқ билмайман. Мен у билан гаплашмадим, лекин у бу клубни билади”, - деди Гвардиола.
Эслатиб ўтамиз, Венсан Компани ҳозирда "Бёрнли"ни бошқармоқда. Айнан шу жамоага қарши "Манчестер Сити" бир неча ҳафтадан сўнг Англия кубогининг 1/4 финалида ўйнайди.
