Ҳужумчи Эрик Шупо-Мотинг «Бавария» билан шартномасини 2023/2024 йилги мавсум охиригача узайтирди.
Камерунлик футболчи мюнхенликлар жамоаси билан янги меҳнат шартномасини имзолагани ҳақида гапирди.
«Мен бу ерда узоқроқ қолишимдан жуда хурсандман. Бу ерда ўзимни уйдагидек ҳис қиламан. Мюнхенда менинг оилам ҳам ўзини худди шундай ҳис қилади. Бу мен учун муҳим онлар.
Жамоага ёрдам беришда давом эта олганимдан хурсандман. Йигитлар билан яхши муносабатдаман, мақсадимиз сари астойдил ҳаракат қиламиз.
Рақобат юқори, лекин агар сиз энг яхшилар қаторида бўлишни истасангиз, бу одатий ҳол. Бизда катта режалар бор, кўплаб совринларни қўлга киритишни хоҳлаймиз.
Режаларни ўзгартириш учун ҳеч қандай сабаб йўқ», - деди Шупо-Мотинг «Бавария» сайтида.
