Испания кубоги. Ярим финалдан ўрин олган «эл-класико»даги рақамлар ва фактлар

Испания Кубоги ярим финалининг биринчи ўйинида “Барселона” “Реал” устидан 1:0 ҳисобида ғалаба қозонди.

“Барселона” “Реал” майдонидаги Испания Кубоги доирасидаги баҳсларда мағлубиятсиз сериясини давом эттирди. Мадридликлар сўнгги бор ўз майдонида “кўк-анорранглилар”ни 1970 йилги мусобақанинг чорак финалида мағлуб этганди. Шундан буён 3 та ўйинда каталонияликларнинг қўли баланд келган бўлса, яна 3 ўйинда дуранг натижа қайд этилган.

Шунингдек, “Реал” жорий мавсум илк бор “Сантяго Бернабеу”да мағлубиятни қабул қилиб олди. Бунга қадар Карло Анчелотти шогирдлари 11 та ўйинда зафар қучган ва 3 та дуранг қайд этганди.

“Қаймоқранглилар” “Барселона” дарвозаси томон 13 та зарба берган ва уларнинг ҳеч бири аниқ бўлмаган. Хави шогирдларида эса 4 та зарба ва уларнинг 2 таси дарвоза томон борган.

“Реал”нинг тўпга эгалик қилиш кўрсаткичи 64,7% бўлган бўлса, “Барселона”ники 35,3%. Мадридликлар учун бу 2013/14 йилги мавсумдан кейинги энг юқори кўрсаткич.

“Барселона” сўнгги 4 та “Эл-класико”нинг 3 тасида ғалаба қозонди. Бунга қадар Каталония жамоаси Испания Суперкубогида 3:1 ҳисобида зафар қучганди ва ўтган мавсум Ла Лига доирасида мадридликлар устидан 4:0 ҳисобида ғалаба қозонган эди. “Реал” эса бу орада октябрь ойидаги Испания чемпионатидан ўрин олган баҳсда 3:1 ҳисобида рақибидан устун келган.

Каталонияликлар Роберт Левандовски иштирок этмаган 6 ўйиннинг барчасида ғалаба қозонган. Польшалик ҳужумчи жароҳати сабаб Испания Кубоги ярим финалининг дастлабки ўйинини ўтказиб юборди.

Хави ва Карло Анчелотти қарама-қаршилигида испаниялик мутахассис устун келмоқда. Мураббийлар ўзаро 5 марта тўқнаш келди ва шундан 3 тасида Хави жамоаси (4:0, 3:1 ва 1:0) ғолиб бўлган. Иккита ўйинда (2:3, 1:3) Карло Анчелоттининг қўли баланд келган.

Хави “Сантяго Бернабеу” стадионида футболчи ҳамда мураббий сифатида 10-ғалабасини қўлга киритди. Испаниялик мутахассис 1998 йилдан 2015 йилга қадар “Барселона” футболчиси сифатида фаолият олиб борган ва 2021 йилдан буён “кўк-анорранглилар”нинг устози сифатида ишлаб келмоқда.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

14/12 00:45	Аталанта	2-1	Кальяри
14/12 01:00	Арсенал	2-1	Вулверхэмптон
14/12 01:00	Хетафе	0-1	Эспаньол
14/12 16:30	Милан	2-2	Сассуоло
14/12 18:00	Севилья	4-0	Реал Овьедо
14/12 19:00	Фиорентина	1-2	Верона
14/12 19:00	Удинезе	1-0	Наполи
14/12 19:00	Кристал Пэлас	0-3	Манчестер Сити
14/12 19:00	Ноттингем Форест	3-0	Тоттенхэм
14/12 19:00	Сандерленд	1-0	Ньюкасл
14/12 19:00	Вест Хэм	2-3	Астон Вилла
14/12 20:15	Сельта	2-0	Атлетик Бильбао
14/12 21:30	Брентфорд	1-1	Лидс
14/12 22:00	Женоа	1-2	Интер
14/12 22:30	Леванте	-	Вильярреал
15/12 00:45	Болонья	0-1	Ювентус
15/12 01:00	Алавес	1-2	Реал Мадрид
16/12 00:45	Рома	-	Комо
16/12 01:00	Райо Вальекано	-	Бетис
16/12 01:00	Ман. Юнайтед	-	Борнмут

Испания кубоги. Ярим финалдан ўрин олган «эл-класико»даги рақамлар ва фактлар

ЭНГ КЎП ЎҚИЛГАН ЯНГИЛИКЛАР