"Манчестер Сити"нинг ҳужумкор ярим ҳимоячиси Жек Грилиш Премьер-лигадаги чемпионлиги учун кураш ҳақидаги фикрлари билан ўртоқлашди.
25 турдан кейин “канонирлар” беш очкога “шаҳарликлар”дан олдинда бориб, турнир жадвалида пешқадамлик қилмоқда. Кейинги ўринда “Манчестер Юнайтед” Хосеп Гвардиола жамоасидан 6 очко ортда қолмоқда, аммо захира ўйини бор.
“Биз бу мусобақадан завқ олишимиз керак. Олдинда жуда кўп қизиқарли ва қийин вазифалар турибди. Биз “Арсенал”ни меҳмонда мағлуб этдик ва кўпчилик буни финал ўйини деб ўйлашди, лекин мен бунга қўшилмайман. Биз ҳали ҳам беш очко ортда қоляпмиз.
Шубҳасиз, "Арсенал" жуда яхши жамоа, лекин биз ўзимизга эътибор қаратишимиз керак. Ишончим комилки, биз муносиб натижалар кўрсатамиз", - дея Грилишнинг сўзларини келтиради "Манчестер Сити" расмий сайти.
