"Наполи" бош мураббийи Лучано Спаллетти жамоасининг А сериядаги "Лацио"га (0:1) қарши ўйиндаги муваффақиятсизлиги ҳақида фикр билдирди.
Турнир жадвалида ишончли тарзда пешқадамлик қилаётган неаполликлар римликлар ҳимоясини ёриб ўта олмади ва бу мавсум ўз майдонида илк бор мағлубиятга учради.
“Бугун бизда сифат етишмади. Тўп узатишларимиз ноаниқ бўлди, қанотларда рақиб қолдирган бўш зоналардан фойдаланмадик. Баъзида тўпни ўйинчига етказишда сабр-тоқат етишмасди.
Балки иккинчи бўлимда биз яхшироқ ҳужум қилдик, аммо барибир етарли даражада эмас. Кутганимдек, “Лацио” зич ҳимояланди ва биз охирги пасларда хато қилдик. Ижобий томон? Мен фақат футболчиларнинг кайфиятини ажратиб кўрсатишим мумкин, - деди Спаллетти DAZN нашрига берган интервьюсида.