"Napoli" bosh murabbiyi Luchano Spalletti jamoasining A seriyadagi "Lasio"ga (0:1) qarshi o‘yindagi muvaffaqiyatsizligi haqida fikr bildirdi.

Turnir jadvalida ishonchli tarzda peshqadamlik qilayotgan neapolliklar rimliklar himoyasini yorib o‘ta olmadi va bu mavsum o‘z maydonida ilk bor mag‘lubiyatga uchradi.

“Bugun bizda sifat yetishmadi. To‘p uzatishlarimiz noaniq bo‘ldi, qanotlarda raqib qoldirgan bo‘sh zonalardan foydalanmadik. Ba’zida to‘pni o‘yinchiga yetkazishda sabr-toqat yetishmasdi.

Balki ikkinchi bo‘limda biz yaxshiroq hujum qildik, ammo baribir yetarli darajada emas. Kutganimdek, “Lasio” zich himoyalandi va biz oxirgi paslarda xato qildik. Ijobiy tomon? Men faqat futbolchilarning kayfiyatini ajratib ko‘rsatishim mumkin, - dedi Spalletti DAZN nashriga bergan intervyusida.