“Барселона” ярим ҳимоячиси Серхио Бускетсда фаолиятини Европадан ташқарида давом эттириш имкониятлари бор.
Аввалгидек, футболчининг қўлида иккита таклиф бор – “Интер Майами” ва Саудия Арабистонининг номи ошкор этилмаган клуби. Журналист Анаис Марти Эрреронинг сўзларига кўра, 34 ёшли ярим ҳимоячини ҳозирча иккинчи вариант қизиқтирмаяпти, чунки таклиф унинг оиласига ёқмайди.
Эслатиб ўтамиз, тез орада Серхио Бускетс "Барселона" билан шартномани узайтириш бўйича янги музокаралар олиб бориши кутилмоқда. Каталония гранди сардорининг амалдаги шартномаси жорий мавсум охирида якунига етади.
