"Лацио" бош мураббийи Маурицио Сарри Италия чемпионатининг 25-турида "Наполи" устидан қозонилган ғалаба (1:0) ҳақида фикр билдирди.

"Бу ғалаба нимани англатади? Уч очко. Бу ўзининг алоҳида чемпионатида ўйнайдиган жамоага қарши муҳим уч очко. Бу диққат, фидойилик ва қатъият нуқтаи назаридан юқори даражадаги ижро эди.

Одамлар Сарри ўйинчини алмаштирмайди, дейишади, лекин биз охирги уч ўйинда 21 нафар футболчини ўйнадик. “Наполи” билан ўйин учун таркибни ўзгартирмадим, аммо уларнинг захира ўриндиғини меники билан солиштириш мумкин”, — деди Сарри DAZN билан суҳбатда.

Неаполликлар учун бу мағлубият мавсумдаги иккинчиси бўлди. Жамоа 65 очко билан лигада пешқадамлик қилмоқда. “Лацио” “Интер” ва “Милан”ни ортда қолдириб, 48 очко билан иккинчи ўринга кўтарилиб олди.