"Lasio" bosh murabbiyi Maurisio Sarri Italiya chempionatining 25-turida "Napoli" ustidan qozonilgan g‘alaba (1:0) haqida fikr bildirdi.

"Bu g‘alaba nimani anglatadi? Uch ochko. Bu o‘zining alohida chempionatida o‘ynaydigan jamoaga qarshi muhim uch ochko. Bu diqqat, fidoyilik va qat’iyat nuqtai nazaridan yuqori darajadagi ijro edi.

Odamlar Sarri o‘yinchini almashtirmaydi, deyishadi, lekin biz oxirgi uch o‘yinda 21 nafar futbolchini o‘ynadik. “Napoli” bilan o‘yin uchun tarkibni o‘zgartirmadim, ammo ularning zaxira o‘rindig‘ini meniki bilan solishtirish mumkin”, — dedi Sarri DAZN bilan suhbatda.

Neapolliklar uchun bu mag‘lubiyat mavsumdagi ikkinchisi bo‘ldi. Jamoa 65 ochko bilan ligada peshqadamlik qilmoqda. “Lasio” “Inter” va “Milan”ni ortda qoldirib, 48 ochko bilan ikkinchi o‘ringa ko‘tarilib oldi.