"Эвертон" ярим ҳимоячиси Абдулай Дукуре яқинда жамоани тарк этишга яқин келганини тан олди. Эслатиб ўтамиз, аввалроқ яримҳимоячи "ирислар"нинг собиқ устози Фрэнк Лэмпард билан жанжаллашгани ҳақида хабарлар тарқалган эди.
"Тўғрисини айтсам, "Эвертон"ни тарк этишга яқин тургандим. Охир-оқибат, мен қолдим. Кетмаганимдан жуда хурсандман, чунки мен ҳеч қачон жамоани тарк этишни хоҳламаганман. Мен бу ерда ўйнашда давом этишни ва шерикларимга ёрдам беришни истайман”, - дея Дукуре сўзларидан иқтибос келтиради EFC Daily.
Жорий мавсумда Дукуре Англия Премьер-лигасида 15 та ўйинда майдонга тушиб, гол урмаган.
