"Манчестер Юнайтед" бош мураббийи Алекс Фергюсон чилилик ҳужумчи Анхело Энрикес билан тузилган шартнома борасида фикр билдирди.
"Биз Энрикесни 14 ёшидан буён кузатиб келамиз. Аммо у 18 ёшга тўлгунча биз шартнома туза олмадик, энди эса уни сафимизга қўшиб олганимиз жуда зўр иш бўлди.
Ёшлар ўртасида Milk Cup турнирига келган Чили термаси сафида Энрикес ҳам бор эди. Биз унинг ҳамма ўйинларини кўрдик, сўнг клубдагилар менга "сен уни олишинг шарт" дейишди.
Энрикес жуда тез ва ҳужумни яхши ташкил қила олади. Бундан ташқари у ўзининг 18 ёшига қараганда анча кучли. Умид қиламанки, у "МЮ"да муваффаққиятларга эришади", - дея Фергюсоннинг сўзларини келтиради "МЮ" расмий сайти.