Англия чемпионатининг 26-тури доирасида «Арсенал» ўз майдонида «Борнмут»ни қабул қилиб, ўта қийин ғалабани қўлга киритди.

Меҳмонларнинг тўпни марказдан ўйинга киритгач, 15-сониядаёқ (!) ҳисобни очишди: Соланкенинг узатмасидан кейин Биллинг 6 метрдан дарвозани ишғол қилди. Орадан 3 дақиқа ўтиб "канонирлар" ҳисобни тенглаштиришлари мумкин эди, аммо "Борнмут" посбони яхши ҳаракат қилди.

57-дақиқада эса "Борнмут" ҳисобдаги фарқни иккитага оширди. Бурчакдан етказилган узатмани Сенеси бош билан дарвозани забт этди.

Шундан сўнг "Арсенал" ростмана уйғонди. Орадан кўп ўтмасдан 62 ва 70-дақиқаларда лондонликлар Парти ва Уайт томонидан урилган голлар эвазига ҳисобни тенглаштириб қўйишди.

Артета шогирдлари иккинчи бўлимга қўшиб берилган 8-дақиқада ғалаба тўпини киритишга муваффақ бўлишди. Мезбонлар бурчакдан етказган тўпни "Борнмут" ҳимоячилари қайтаришганди, аммо Нелсон тўпни кучли зарба билан "тўққизлик"га жойлаб қўйди — 3:2!

"Арсенал" ушбу ғалаба туфайли "Манчестер Сити" билан орадага 5 очколик фарқни сақлаб қолишга муваффақ бўлди.

Англия чемпионати, 26-тур
«Арсенал» – «Борнмут» - 3:2 (0:1)
Голлар: 0:1 – 1 Биллинг, 0:2 – 57 Сенеси, 1:2 – 62 Парти, 2:2 – 70 Уайт, 3:2 – 90+8 Нелсон.
Арсенал – Рэмсдейл, Томиясу (Уайт, 46), Габриэл, Салиба, Зинченко, Парти, Эдегор, Фабиу Виейра (Джака, 84), Сака, Троссард (Смит-Роу, 22; Нелсон, 69), Мартинелли.
Борнмут – Нето, Смит, Стивенс, Сенеси, Мифем, Земура (Фредерикс, 64), Ротуэлл (Кук, 70), Биллинг, Уаттара (Кристи, 82), Соланке, Семеньо (Энтони, 64).
Огоҳлантиришлар: Нето (64), Мифем (86).