"ПСЖ" бош мураббийи Кристоф Галтье Чемпионлар лигаси плей-офф босқичида "Бавария"га қарши бўладиган жавоб ўйини ҳақида гапирди. Дастлабки баҳсда парижликлар ўз майдонида 0:1 ҳисобида мағлуб бўлишди.
"Мюнхенда эркин нафас олиш учун бир дақиқа вақт ҳам бўлмайди. Бутун ўйин давомида тўлиқ куч билан ўйнашингиз керак бўлади. Биз катта истак ва ирода билан ўйнаймиз. Катта ўйинларда шундай ҳаракат қилиш керак”, - деб ёзади мураббийнинг сўзларини RMC Sport.
Ўйин 8 март чоршанба куни Мюнхенда бўлиб ўтади.
